D Alp liit uf 1550 Meter uber Meer underhalb vum Oberbauä. Vu Ämmättä üs git s ä Luftsäilbahn uf ä Niderbauä; vu det gaht ä Wanderwäg uf Urwängi.
Uf Urwängi git äs ä Feriäwohnig und äs äifachs Alpbäizli. Äs isch ä idealä Üsgangspunkt fir Wanderigä im Gebiät vum Ober- und Niderbauä.
Üs dr Chüämilch wird Alpchääs, Bratchääs, Wiissschimelchääs und Ankä produziärt. Dr Urwängi-Chääs het i dä 90er-Jahrä a dr Alexpo d Silbermedalliä fir Hertchääs gwunnä.
«Ä Gäissbüäb het siini Liäbi zumänä Schääfli wiätig ubertriibä und het s schiints gsäggnet. Sofort häig sich das Schääfli in äs Ughiir verwantlet und häig Mänsch und Vee z firchtä gmacht.»
Ürner Sagäwält